मुख्य संपादक सुर्यकांत राठोड
येत्या नगरपरिषद सार्वत्रिक निवडणूक 2025 मध्ये महाविकास आघाडी — म्हणजेच शिवसेना (उद्धव बाळासाहेब ठाकरे गट), राष्ट्रवादी काँग्रेस (शरद पवार गट) आणि काँग्रेस पक्ष — यांनी एकत्रितपणे निवडणूक लढवण्याचा निर्णय घेतला आहे.ही घोषणा दि ८नोव्हेंबर रोजी पुसद येथील दरबार हॉटेल येथे आयोजित पत्रकार परिषदेत करण्यात आली.पत्रकार परिषदेत बोलताना आघाडीच्या नेत्यांनी सांगितले की, पुसदच्या विकासासाठी आणि “लोकशाही व विकासाच्या मूल्यांसाठी एकत्र येणे ही काळाची गरज आहे. नगरपरिषदेतील सत्तांतरासाठी आणि भाजपच्या अपयशाला मतदारांनी दिलेले उत्तर बळकट करण्यासाठी आम्ही एकत्र आलो आहोत.”या वेळी महाविकास आघाडीचे माजी विधान परिषद सदस्य डॉ. वजाहत मिर्झा, शरद पवार पक्षाचे सरचिटणीस व निवडणूक प्रमुख शरद मैंद, दिलीप एडतकर, डॉ.मोहम्मद नदीम, अनिल शिंदे, डॉ अकील मेमन, रवी पांडे , सय्यद ईस्ताक ,ॲड वीरेंद्र राजे , विजयराव चव्हाण, अनुकूल चव्हाण , परमेश्वर जयस्वाल, तसेच स्थानिक पदाधिकारी, नगरसेवक व कार्यकर्ते मोठ्या संख्येने उपस्थित होते. आघाडीच्या या निर्णयामुळे स्थानिक राजकारणात नव्या घडामोडींना सुरुवात झाली असून, आगामी निवडणुकीत महाविकास आघाडी एकत्र लढणार असून महायुती अजूनही धूस फूस पाहायला मिळत असून महायुती पुसद नगरपरिषदेच्या निवडणुका स्वतंत्र लढणार असे चित्र सध्यातरी स्पष्ट दिसत आहे.
