मुख्य संपादक सुर्यकांत राठोड
.यवतमाळ जिल्हयात कोणत्याही प्रकारचे अवैध धंदे, अवैध शस्त्र, अवैध उत्खन्न सुरु राहणार नाही तसेच अउघड गुन्हे, आरोपी शोध, अवैध धंदयाचे समुळ उच्चाटन व्हावे याकरीता मा. पोलीस अधीक्षक कुमार चिंता सा यांनी पोलीस निरीक्षक स्थानिक गुन्हे शाखा यवतमाळ यांना आदेशीत केले होते. त्याच अनुषंगाने पोलीस निरीक्षक स्थानिक गुन्हे शाखा यवतमाळ यांनी त्याचे अधिस्थान पथकांना गोपनिय माहीती काढून प्रभावी छापा कारवाई करणे बाबत सुचना दिल्या आहेत.दिनांक 25/09/2025 रोजी स्थानिक गुन्हे शाखेचे पथक पुसद उपविभागात पेट्रोलींग करीत असतांना पोलीस स्टेशन वसंतनगर हददीत मौजे मिर्झा चिकन सेंटर वसंतनगर येथे इसम नामे मिर्झा मुसरान बेग मिर्झा मोबीन बेग हा सार्वजनिक ठिकाणी शांतता व सुव्यवस्था भंग करुन दखलपात्र गुन्हा करण्याचे इरादयाने त्याचे स्वतःचे ताब्यात धारधार गुप्ती बाळगून आहे अशी मुखबीरव्दारे खात्रीशिर माहीती मिळाल्याने नमूद खालील पोलीस अधिकारी व पोलीस अंमलदार यांनी दोन पंचासमक्ष मिर्झा चिकन सेंटर वसंतनगर येथे रवाना होवून नमूद इसमांचा शोध घेत असता तो मिर्झा चिकन सेंटर वसंतनगर येथे मिळून आल्याने त्यास ताब्यात घेवून त्याची झडती घेतली असता त्याचे ताब्यात एक गोलाकार लोखंडी पाईप त्यामध्ये धारदार लोखंडी धातुची गुप्ती मिळून आल्याने ती जप्त करुन ताब्यात घेवून इसम नामे-मिर्झा मुसरान बेग वय 30 वर्ष रा. गढीवार्ड पुसद ता. पुसद जि. यवतमाळ यास पुढील कारवाई कामी पोलीस स्टेशन वसंतनगर यांच्या ताब्यात दिले.सदरची कारवाई मा पोलीस अधीक्षक यवतमाळ श्री. कुमार चिंता (भा.पो.से) सा, मा. अपर पोलीस अधीक्षक यवतमाळ श्री. अशोक थोरात (म.पो.से) सा, मा. सहा पोलीस अधीक्षक तथा उपविभागीय पोलीस अधिकारी श्री. हर्षवर्धन बी.जे सा, मा. पोलीस निरीक्षक श्री. सतीश चवरे स्थानिक गुन्हे शाखा यवतमाळ, यांचे मार्गदर्शनात सपोनि/धिरज बांडे, पोउपनि/शरद लोहकरे, सफौ/मुन्ना आडे, पोहवा/संतोष भोरगे, पोहवा तेजाब रणखांब, पोहवा/सुभाष जाधव, पोहवा/कुणाल मुंडोकार, पोहवा/रमेश राठोड, पोशि/सुनिल पंडागळे, चापोउपनि/रविंद्र शिरामे, पोशि/राजेश जाधव सर्व नेम-स्थानिक गुन्हे शाखा यवतमाळ यांनी यशस्वीरित्या पार पाडली आहे.
